आलापल्ली | प्रतिनिधी | InfoNewsUpdate24
आलापल्ली (प्रतिनिधी) दि. २० जुलै : वनहक्कधारकांना शासन निर्णयाचा लाभ वेळेत मिळावा आणि त्यांच्या हक्कांची प्रभावी अंमलबजावणी व्हावी, यासाठी आमदार डॉ. धर्मराव बाबा आत्राम यांच्या अध्यक्षतेखाली आलापल्ली येथे महत्त्वपूर्ण आढावा बैठक पार पडली.
या बैठकीस आलापल्ली, भामरागड व सिरोंचा वन विभागातील अधिकारी तसेच महसूल व भूमी अभिलेख विभागाचे अधिकारी उपस्थित होते. बैठकीत शासन निर्णयाची काटेकोर अंमलबजावणी करून पात्र वनहक्कधारकांच्या ७/१२ उताऱ्यावरील नोंदी आणि त्यासंबंधित सर्व प्रशासकीय प्रक्रिया निश्चित मुदतीत पूर्ण करण्याच्या स्पष्ट सूचना आमदार डॉ. धर्मराव बाबा आत्राम यांनी अधिकाऱ्यांना दिल्या.
यावेळी त्यांनी सांगितले की, वनहक्क कायद्यांतर्गत पात्र लाभार्थ्यांना त्यांच्या जमिनीवरील हक्कांचे संरक्षण मिळणे अत्यंत आवश्यक आहे. त्याचबरोबर शासनाच्या विविध कल्याणकारी योजनांचा लाभ वनहक्कधारक आदिवासी बांधवांपर्यंत वेळेत पोहोचविणे ही प्रशासनाची प्राथमिक जबाबदारी असल्याचे त्यांनी अधोरेखित केले.
बैठकीत विविध प्रलंबित प्रकरणांचा आढावा घेऊन संबंधित विभागांमध्ये समन्वय राखत सर्व प्रक्रिया जलदगतीने पूर्ण करण्याच्या सूचना देण्यात आल्या. वनहक्कधारकांना कोणतीही अडचण येऊ नये, यासाठी प्रशासनाने संवेदनशीलतेने काम करण्याचे आवाहनही यावेळी करण्यात आले.
https://www.facebook.com/share/1BZZyBDocq
- राज्यात ‘बालस्नेही ग्रामपंचायत’ आणि ‘बालस्नेही प्रभाग’ अभियान राबविणार; ५ सप्टेंबरपासून विशेष मोहिमेची सुरुवात
- बांधकाम कामगारांची १०० टक्के नोंदणी करा; शासनाच्या योजनांचा लाभ मिळवून द्या – आमदार रामदासजी मसराम
- अहेरी येथे मुख्यमंत्री बळीराजा शेत/पाणंद रस्ते योजनेच्या कामांना गती; आमदार डॉ. धर्मराव बाबा आत्राम यांनी घेतली आढावा बैठक
- वनहक्कधारकांना न्याय मिळणार! आलापल्लीत आढावा बैठकीत आमदार डॉ. धर्मराव बाबा आत्राम यांचे अधिकाऱ्यांना स्पष्ट निर्देश
- निरोगी गडचिरोली साठी डॉक्टरांनी एकत्र यावे; आरोग्य उपक्रमांना शासनाचे पूर्ण सहकार्य – आमदार डॉ. मिलिंद नरोटे